राहुरी शहरात भारतीय जनता पार्टीच्या कार्यकर्त्यांची प्रचार फेरी सुरू असताना तनपुरे समर्थक कार्यकर्ते त्या ठिकाणी येऊन प्रचार करण्यास अडथळा आणण्याचा प्रकार घडल्याने तणाव निर्माण झाला होता दरम्यान भाजपा उमेदवार शिवाजीराव कर्डिले यांनी कार्यकर्त्यांसह पोलीस स्टेशन गाठत या दडशाहीच्या प्रकाराचा निषेध व्यक्त करत पोलीस निरीक्षकांना निवेदन दिले.
राहुरी येथील आझाद चौक परिसरात भाजपा व महायुतीचे उमेदवार शिवाजीराव कर्डिले यांच्या कार्यकर्त्यांची प्रचार फेरी सुरू होती या ठिकाणी आमदार तनपुरे समर्थक कार्यकर्ते कर्डिले यांचे पॉम्पलेट जमा करून फेकू लागले तसेच प्रचार फेरी बंद करून भाजपा उमेदवार करणे यांचा प्रचार करण्यास विरोध करू लागले त्यामुळे भाजपा समर्थक कार्यकर्ते देखील मोठ्या संख्येने जमा झाले हा प्रकार समजतात भाजप उमेदवार शिवाजीराव कर्डिले यांनी पोलीस स्टेशन गाठत या दडपशाहीच्या प्रकाराचा तीव्र शब्दात निषेध केला.
आम्ही लोकशाही मार्गाने निवडणुकीला सामोरे जात असून आमच्या सहनशक्तीचा कुणीही अंत पाहू नये विरोधी उमेदवार प्राजक्त तनपुरे यांचा पराभव आता अटळ असल्याने त्यांचे कार्यकर्ते अस्वस्थ झाले असून आमच्यावर आरोप प्रत्यारोप करणे, वाद करण्याचा प्रयत्न करणे, प्रचार करण्यास अडथळे आणणे असे प्रकार सुरू झाले असून आम्ही लोकशाही मार्गाने निवडणुकीला सामोरे जात असून कोणाच्याही धमकीला किंवा विरोधाला भीक घालत नाही मात्र आमच्या सहनशक्तीचा अंत पाहू नये असा इशारा त्यांनी यावेळी दिला. दरम्यान दोन दिवसापूर्वी एका हिंदुत्ववादी संघटनेने आयोजित केलेल्या कार्यक्रमास देखील तनपुरेंच्या काही लोकांनी त्या ठिकाणी जाऊन कार्यक्रम करण्यास मज्जाव केला हा प्रकार देखील चुकीचा असून कार्यकर्त्यांनी पुढील चार दिवस संयम ठेवावा असे आवाहन कर्डिले यांनी केले.
यावेळी शिवसेना नेते राजूभाऊ शेटे पाटील, माजी नगराध्यक्ष सत्यजित कदम, जिल्हा उपाध्यक्ष अमोल भनगडे, शिवसेना तालुका अध्यक्ष देवेंद्र लांबे आरपीआयचे तालुका अध्यक्ष विलास साळवे माजी विरोधी पक्षनेते शिवाजी उर्फ दादापाटील सोनवणे, राष्ट्रवादीचे शहराध्यक्ष सुनील भट्टड, भाजपा शहराध्यक्ष भैय्यासाहेब शेळके, गणेश खैरे, रवींद्र म्हसे, विराज धसाळ, नारायण धोंगडे, सचिन मेहेत्रे, भाऊसाहेब पवार, शिवाजी डौले, आबासाहेब येवले, सुरेश भुजाडी, नारायण धोंगडे आदींसह कार्यकर्ते उपस्थित होते.
